Gratis ëffentlechen Transport ab dem 1. Mäerz 2020

Déi sozial Kiischt um Kuch vun der innovativer multimodaler Verkéiersstrategie zu Lëtzebuerg

 

Vum 1. Mäerz 2020 un ass den ëffentlechen Transport op nationalem Territoire zu Lëtzebuerg mat all Transportmëttel, sief et Tram, Zuch oder Bus, gratis. Déi Moossnam gëllt fir jiddwereen: d‘Awunner, d‘grenziwwerschreidend Pendler an d‘Touristen.

 

De Vizepremier François Bausch gesäit konsequent a kontinuéierlech Investissementer als Conditio sine qua non, fir dʼAttraktivitéit vum ëffentlechen Transport ze fërderen. DʼOffer, dʼPünktlechkeet an dʼQualitéit vun de Servicer sinn entscheedend, wann et drëm geet, datt dʼLeit hir Gewunnechten änneren a vun de privaten Autoen op den ëffentlechen Transport wiesselen.

 

Mir kënnen dës Parameteren nëmme mat engem multimodalen Transportkonzept verbesseren: www.modu2.lu. No der Planungsphas ginn déi meescht vun dëse Projeten an dësem Konzept elo ëmgesat: déi konsequent Expansioun vu Capacitéit am nationale Schinnennetz, eng Verduebelung vun den aktuelle P+R-Parkplazen (haaptsächlech bei de Grenzen, soudatt déi 200.000 Pendler, déi all Dag op Lëtzebuerg kommen, bequeem kënnen ëmsteigen), Passagéierinformatioun an Echtzäit, de kompletten Design vum nationale Busnetz mat Ëmwandlung vun der Flott op alternatiivt Fuere bis 2030, dʼExpansioun vun elektreschen Opluetstatioune fir Autoe landeswäit bis 1.600 Eenheete bis Enn 2020, e kohärent Netz vu Vëlosweeër, de weideren Ausbau vum regionalen Tram, dʼBenotze vun enger zukünfteger drëtter Spuer op eisen Autobunne fir Carpooling a Bussen ... All dëst si Projeten, déi gutt fortgeschratt sinn an doduerch dʼIngrediente vum multimodale Kuch ausmaachen.

 

DʼAféierung vum gratis ëffentlechen Transport ass eng wichteg sozial Moossnam. Et kéint een et als déi sozial Kiischt um Kuch vun der globaler Strategie fir eng multimodal Revolutioun nennen. Dozou wëlle mir all deene Mënschen eng Unerkennung bidden, déi sech schonn haut fir den ëffentlechen Transport entscheet hunn“, seet de François Bausch.

 

Communaute des Transports - Mobilité Gratuite-2 - Gratis Concert Event - 20s - 29-FEBRUAR-2020

Communaute des Transports - Mobilité Gratuite-2 - Gratis ëffentlechen Transport - 21s - 01-MÄERZ-2020

Aktualiséiert