Geschter sinn an der Chambre des Députés Grand-Duché de Luxembourg zwee Gesetzesprojeten ronderem d‘Eisebunn unanime ugeholl ginn: 1. Den neie Contrat de gestion de l’infrastructure ferroviaire (2026–2040) Dëse soll eng sécher, qualitativ héichwäerteg an zukunftsorientéiert Entwécklung vun der Eisebunnsinfrastruktur assuréieren. De Gesamtmontant vum neie Kontrakt mat der CFL iwwert 15 Joer beleeft sech op 4,77 Milliarden Euro. 2. D’Modernisatioun an den Ëmbau vun der Gare Beetebuerg Dës Aarbechte wäerten d’Kapazitéit vun der Gare erhéijen an den Trafic vu Persounen- a Gidderzich méi fléissend maachen. Entstoe wäert ee moderne Mobilitéitshub fir eng optimiséiert Verbindung tëscht Zich, Bussen, Vëloen an Autoen ze garantéieren. Grouss Investissementer an d’Schinneninfrastruktur ginn dofir gemaach. De Chantier soll 2026 ufänken an insgesamt 426 Milliounen Euro kaschten. ➡️ Investitiounen an d’Zukunft vun eiser Mobilitéit! Gouvernement luxembourgeois Yuriko Backes Gusty Graas CFL - Société Nationale des Chemins de Fer Luxembourgeois © CFL